शनिवार कविता डे
रविवार सुट्टी
रविवार सुट्टी
ब्लॉग वर रोज लिखाण करणार आहेच.
अलीकडे आतून कविता बाहेर पडू लागली आहे
सुचू लागली म्हणणार नाही. कारण रोज काहीही सुचतं.
पण ते कृतीत उतरत नाही.
कविता आतून येते असं म्हणतात.
बघुया काय काय आहे 'आत'
करतो शेअर प्रत्येक शनिवारी.
लोभ आहेच, वृद्धिंगत व्हावा 😑
लोभ आहेच, वृद्धिंगत व्हावा 😑
8 मार्च रोजी महिला दिन झाला.
तसा रोज त्याचाच दिवस असतो,
कामाचा, लढण्याचा, झटण्याचा आणि कष्टाचा.
द ची वेलांटी चुकली की सारा अर्थ उलटा.
त्यामुळे हा महिला सन्मान दिन असे मी समजतो.
रोज नवीन नवीन आव्हाने स्वीकारणारी,
नवे नवे देणारी, घेणारी,
पुनर्नवा म्हणजे
आजची स्त्री
तिला ही कविता समर्पित. ..
🙆पुनर्नवा🙆
तुला मी कोणत्या नावाने हाक मारू?
वादळ म्हणू की वादळवेल म्हणू
नारी म्हणू की दिव्यनारी म्हणू
वैदेही म्हणू की सरस्वती म्हणू
राधा म्हणू की मीरा म्हणू
तुला मी कोणत्या नावाने हाक मारू?
सखी म्हणू की हरिप्रिया म्हणू
अबला म्हणू की सहस्रबला म्हणू
स्रीशक्ती म्हणू की सहनशक्ती म्हणू
प्रज्योती म्हणू की आरती म्हणू
तुला मी कोणत्या नावाने हाक मारू?
नदी म्हणू की प्रेमसागर म्हणू
साधना म्हणू की प्रेरणा म्हणू
देवी म्हणू की दिव्यशक्ती म्हणू
शांताई म्हणू की विठाई म्हणू
तुला मी कोणत्या नावाने हाक मारू?
राधिका म्हणू की सेविका म्हणू
श्वास म्हणू की प्राणवायू म्हणू
गीत म्हणू की संगीत म्हणू
साद म्हणू की सुसंवाद म्हणू
तुला मी कोणत्या नावाने हाक मारू?
विद्या म्हणू की ज्ञानदा म्हणू
साथी म्हणू की अस्मिता म्हणू
अर्पिता म्हणू की समर्पिता म्हणू
देवयानी म्हणू की शर्मिष्ठा म्हणू
तुला मी कोणत्या नावाने हाक मारू?
तुझा जन्म
फक्त देण्यासाठी,
इतरांसाठी , झगडण्यासाठी
वात्सल्यासाठी, करूणेसाठी
त्यागासाठी, शिकण्यासाठी
रोज नवनवीन शिकवण्यासाठी
आई, ताई, अर्धांगिनी, कन्याकुमारी
तुला लाख लाख सलाम 🙏🙏
...........सतीश मोरे
Dedicated to all women
who know only to give, strive and love.
My wife, sister, daughter and mother !
कोणत्याही टिप्पण्या नाहीत:
टिप्पणी पोस्ट करा