तु माझ्यासाठी नशा नाहीस !
नशा होते ...
प्रसिद्धीची,दारूची,सत्तेची, सौंदर्याची
पैशातून मिळवलेल्या वस्तूंचीही..!
पण ही नशा उतरते कधीतरी !
तू माझ्यासाठी आकर्षणाचा केंद्रही नाहीस !
आकर्षण होतं...,
वस्तूचं, व्यक्तीचं, शरीराचं, सौंदर्याचं !
पण वस्तू किंवा व्यक्ती जशा जीर्ण होतात
तसं ते आकर्षणही कमी होत जातं...!
एक सांगू लाडके,
तू माझ्यासाठी एक आधार आहेस !
तू माझ्यासाठी एक परमाणू आहेस !
तू माझ्यासाठी मैलाचा दगड आहेस !
तू माझा आयुष्याचा आधार आहेस !
तू माझ्या आयुष्याची दोरी आहेस !
तू माझ्यासाठी वादळवेल आहेस !
तू माझ्यासाठी एक काठी आहेस !
बुडत्याला काडीचा आधार आहेस !
केवळ आणि केवळ जिच्या समोर,
माझं मन पुर्ण मोकळं करू शकतो ...
अशी तू माझी सखी आहेस !
अशी तू माझी सखी आहेस !
..... सतिताभ १३.०७.२०२४
