ट्रीप विदाऊट प्लॅन

खुप फिरायचं आहे, उंच उडायचं आहे

प्लॅन न करता लाॅग टूरवर जायचं आहे

लांब पठारावर बेधुंद होऊन फिरायचं आहे
इवल्याशा फुलांसोबत गप्पा मारत
हिरव्यागार गालीच्यावर हुदडायचं आहे
प्लॅन न करता टूरवर जायचं आहे

डोंगर, दरी, झाडे अन् खळखळणारे झरे
हे तर आहेत माझे सखेसोयरे
त्याच्यासोबत हितगुज करायची आहे
प्लॅन न करता टूरवर जायचं आहे

निसर्ग साद घालत मला खुणावतोय,
वस्तूच्या मागं का लागलाय सुनावतोय
स्वच्छंद पाखरासोबत उडायचं आहे
प्लॅन न करता टूरवर जायचं आहे

मी तर माझ्या हुकमाचा राजा
कोणाचीच नाही मला परवा
राजासारखं एक दिवस रहायचं आहे
प्लॅन न करता टूरवर जायचं आहे

कुणाला हे हवं, कुणाला तेही हवं
निसर्गाचा आनंद मला फक्त हवाय
दिलखुलास एन्जॉय करायचं आहे
प्लॅन न करता टूरवर जायचं आहे

           ....सतीश मोरे,
               

26 मे 2016
बागडोगरा ते दिल्ली
विमान प्रवासात सुचली
Return journey from Sikkim