एप्रिल फुल

*1⃣'st  🅰pril 😜😝*
➖➖➖➖➖➖➖
_*☑१ एप्रिल जागतिक मूर्खांचा दिवस...*_
_*(April fool's day)*_
➖➖➖➖➖➖➖
_सावधान ,आज एक एप्रिल.आज तुम्हाला कोणीही मूर्ख बनवू शकतं कारण, आज मूर्खांचा दिवस आहे. हा दिवस जगभरात अनेक शतकांपासून मुर्खांचा दिवस म्हणून साजरा केला जातो. कुठलाही विशेष दिन साजरा करणे म्हणजे गतकाळातील आठवणीना उजाळा देणे आणि परंपरा टिकविणे होय. असे दिवस पाळण्यासाठी विषय महत्वाचा हवा. कुठलाही दिन साजरा करण्यामागे काहीतरी कारण असतेच, कधी गंभीर, कधी आनंदी .पण ह्या दिवशी काहीजण मात्र स्वत:मूर्ख बनून किंवा दुस-याला मूर्ख बनवून सुख आणि आनंद मिळवतात आणि दिवस मजेत घालवतात._
🔲🔲🔲
एक एप्रिल हा मूर्खांचा दिवस साजरा करण्यामागे मजेशीर इतिहास आहे. हा दिवस पाळण्याची परंपरा १५६४ पासून फ्रान्स मध्ये सुरु झाली. म्हणजे १५६४ च्या पूर्वी संपूर्ण युरोपात एकच दिनदर्शिका वापरात होती.त्यात प्रत्येक नवीन वर्षाचा प्रारंभ एक एप्रिल पासूनच होत होता, म्हणून साहजिकच एक एप्रिल हा नववर्ष दिन म्हणून पाळला जाई. या दिवशी आपल्या मित्र मैत्रीणीना, आप्तेष्टांना नव्या वर्षाच्या शुभेच्छा देऊन,भेटवस्तू देऊन लोक आनंद व्यक्त करीत असत.वर्षानुवर्षे हे चालू होते, अचानक फ्रान्सचा राजा, दहावा चार्ल्स याने १५६४ मध्ये आज्ञा केली कि लोकांनी नव्या दिनदर्शिके प्रमाणे एक जानेवारी हा वर्षारंभ मानवा. सर्वांनी त्याप्रमाणे सूचनेचे पालन केले.पण काही लोकांनी ही गोष्ट मनावर घेतली नाही अथवा दुर्लक्ष केले आणि आपल्याच नादात असणा-या या लोकांनी एक एप्रिल हाच दिवस नववर्ष दिन म्हणून पाळणे चालू ठेवले. त्यांच्या अशा वागण्यामुळे हे लोक त्यांच्या मित्र परिवारात आणि समाजात चेष्टेचा विषय ठरले. मग काय जानेवारी हा नववर्ष दिन पाळणा-या लोकांनी एप्रिल वर्षारंभ मानणा-या लोकांना मूर्ख ठरवून एक एप्रिलला चेष्टा करण्यासाठी गमतीशीर भेटवस्तू देण सुरु केलं. ही घटना लोक विसरले परंतु मुर्खांचा दिवस साजरा करण्याची प्रथा अजूनही चालू आहे.विशेष म्हणजे ही परंपरा आज सर्व जगभर पाळतात, अगदी अनिवार्य असल्यासारखी.
🔲🔲🔲
अजून एक कथा प्रचलित आहे. ती अशी,बनारसला एकदा हास्य प्रेमी भारतेंदु हरिश्चंद्र यांनी दवंडी पिटवली कि, अमुक वैज्ञानिक अमुक वाजता चंद्र आणि सूर्य धरतीवर आणून दाखवणार आहेत.दवंडी नुसार हा चमत्कार पाहायला लोकांनी एकच गर्दी केली. लोक तासन तास वाट पाहत बसले, पण कोणी वैज्ञानिक तिथे आला नाही. मूर्ख ठरलेले लोक घरी परत आले तो एक एप्रीलचा दिवस होता.
🔲🔲🔲
एप्रिल फूल रोममध्ये ७ दिवस साजरा करतात.चीन मध्ये खोट्या भेटवस्तू पाठवल्या जातात. जपान मध्ये पतंगावर बक्षिसाची घोषणा लिहून मुले पतंग उडवतात.पतंग पकडून बक्षीस मागणा-याला एप्रिल फूल बनविले जाते.इंग्लंड मध्ये तर या वर मूर्खांच्या गाण्याचा विशेष कार्यक्रमच असतो. स्कॉटलंड मधला मूर्खांचा दिवस 'हंटिंग द कूल' म्हणून प्रसिध्द आहे. कोंबडा चोरणे इथली परंपरा आहे.कोंबड्याच्या मालकाला याचा राग येत नाही कारण त्यामगे मजा हाच उद्देश असतो.
🔲🔲🔲
युरोप मध्ये अनेक वेळा ही मूर्ख दिवस पाळण्याची परंपरा थांबण्याचा खूप प्रयत्न केला गेला,पण तरीही लोकांनी दाद दिली नाही उलट काहींच्या मते तर मूर्खता हा मनुष्याचा जन्मजात स्वभाव आहे.वर्षातून एकदा स्वच्छंद होऊन,हास्य विनोद करून एक दिवस घालवला तर पुन्हा नव्या मूड मध्ये, नव्या उर्जेने कामाला लागता येते.कुठलेही दुख कमी करण्यसाठी हसणे हा त्यावर अक्सीर इलाज आहे,
असही आज आपण रोजचा दिवस चिंतेत किंवा तणावाखाली घालवतो अथवा जातो तेव्हा वर्षातला एक दिवस खरच हसून आणि हसवून एक आठवणीतला उत्तम दिवस म्हणून घालवायला काय हरकत आहे? आज हसा आणि हसवा ,पण जरा जपून.
🔲🔲🔲

_*🔴▪सूचना आणि आवाहन -:*_

_विनोद करताना आरोग्य,करियर, चालणे- बोलणे किंवा व्यक्तिमत्त्व , असभ्यता आणि धर्म, संप्रदाय व जातीवरून टिप्पणी करून कोणाचेही मन दुखाऊ नका अथवा रोष ओढावून घेऊन मित्रत्व आणि नातेसंबंध कायमचे तोडून बसण्याचा धोका पत्करू नका...._
➖➖➖➖➖➖➖
*1⃣'st  🅰pril 😜😝*