जलदिन

💦🌎💦🌎💦🌎💦
➖➖➖➖➖➖➖
*☑२२ मार्च – जागतिक जल दिन.....*
➖➖➖➖➖➖➖
*_२२ मार्च हा दिवस दर वर्षी जगभर जागतिक जल दिन म्हणून पाळला जातो. पण पाण्याचे महत्त्व कोणाला समजावून सांगायची आवश्यकता आहे का? ते आधीच सर्वांना ठाऊक आहे. पाणी ही तर सर्व सजीवांची मूलभूत गरज आहे. पण इतर सजीवांत आणि मानवात मोठा फरक हा की, मानव पाण्याचा अपव्यय करतो, गरजेपेक्षा जास्त पाणी वापरतो._*
🔲🔲🔲
जागांच्या कमतरतेमुळे जेथे पाणी मुबलक प्रमाणात उपलब्ध नाही तेथे घर बांधणे, शेती करणे, व्यवसाय कारखाने उभारने भाग पडते म्हणून.....
🔺पाण्याचे नियोजन करा,
🔺पाणी काटकसरीने वापरा,
🔺पाणी साठवा,
🔺पाणी जिरवा.
🔲🔲🔲
माणसाला चांगला निवारा नसला तरी तो कसाबसा जगू शकतो. अन्नाशिवाय तो काही दिवस काढू शकतो. पाण्याविना मात्र तो फार वेळ टिकाव धरू शकत नाही. जसे माणसाच्या शरीराला पाणी मिळणे आवश्यक आहे. पाणी हे जीवन आहे..!!!
🔲🔲🔲

*◾भविष्यासाठी पाणी वाचवा.....*

विजेनंतर घरात सर्वाधिक वापरली जाणारी गोष्ट कोणती असेल तर ती म्हणजे पाणी. खरं तर विजेइतकंच पाणीदेखील आपण अतिशय बेजबाबदारपणे वापरत असतो, ज्याची बचत करणं आजच्या काळात अधिक गरजेचं आहे. घरातला पाणीवापर कसा आटोक्यात ठेवता येईल त्यावर प्रकाश टाकूया.
🔲🔲🔲
असं म्हटलं जातं की जगात तिसरं महायुद्ध झालं तर ते पाण्यावरूनच होईल. आता जागतिक युद्धाचं राहू द्यात पण पाण्यावरून गल्ली-मोहल्ल्यात कितीतरी भांडणं होताना आपण रोजच पाहत असतो.
🔲🔲🔲
पाणीटंचाई केवळ ग्रामीण भागातच जाणवते असं नाही तर तिची तीव्रता शहरी भागातदेखील तेवढीच आहे. शहरात फक्त घराघरात हाताशी धो धो पाणी वाहणारे नळ असतात, त्यामुळे ही तीव्रता तेवढय़ा गंभीरतेनं जाणवत नाही एवढंच. पण शहरातही कित्येकदा अचानक बोअरिंग वेलचा पंप बंद पडल्यानंतर किंवा नगरपालिकेनं पाणीकपात जाहीर केल्यावर नळाचंच नव्हे तर आपल्याही तोंडचं पाणी पळतं व त्रेधा उडते. परंतु अशी वेळ येण्यापूर्वीच आपण पाण्याची बचत केली तर चांगलं नाही का..
🔲🔲🔲
घरात आपण दहा टक्के पाण्याचा वापर हा एकटय़ा किचनमध्ये करत असतो. शिवाय कपडे-भांडी धुणं, स्वयंपाक आणि इतर कामांसाठीही करत असतो. त्याव्यतिरिक्त पाणी अंघोळीसाठी, शौचालयात व साठवण्याच्या निमित्ताने मोठय़ा प्रमाणावर वापरलं जातं. आता हे प्रमाण आपल्याला नियंत्रणात कसं ठेवता येईल ते पाहू.
🔲🔲🔲
पाण्याचा जास्त वापर स्वयंपाकासाठी केला जातो. तिथं पाण्याचा वापर कमी होतो आहे असं वाटलं तरी ते बरेचदा फुकट जात असतं.

🔺भाज्या, तांदूळ, डाळ धुतलेलं पाणी शक्यतो साठवून ठेवावं आणि इतर ठिकाणी वापरात आणावं. उदाहरणार्थ हेच पाणी तुम्ही कुकरमध्ये तळाला घालू शकता.

🔺डिप फ्रिझरमधून वस्तू काही तास आधीच काढून ठेवाव्यात, त्या नॉर्मल तापमानाला आणण्यासाठी पाण्यानं धुऊ नयेत.

🔺अन्नपदार्थ उकडण्यासाठी पाण्याऐवजी शक्यतो वाफेचा वापर करावा.

🔺किचनमधील भाज्यांसारखे पदार्थ किंवा वस्तू धुण्यासाठी एकाच मोठय़ा भांडय़ात पाणी घेऊन त्यातच धुवा, वाहत्या नळाचा वापर करू नका.

🔺आज भरून ठेवलेलं पाणी उद्या फेकून देण्याची चूक कधीही करू नका. साठवणीच्या पाण्याच्या बाबतीतही अनेक जण बेपर्वाईनं वागत असतात. अनेकांच्या घरी एक किंवा दोन पाण्याच्या टाक्या असतात. त्यामुळे पाणीपुरवठा बंद असला तरी अशी माणसं पर्वा करत नाहीत. टाकी साफ करायची वेळ येईल तेव्हा शक्यतो पाणी कामांसाठीच वापरून टाकी रिकामी करा, नंतरच ती साफ करायला घ्या.

🔺बाथरूम किंवा टॉयलेटमध्ये आपण घरातल्या ७५ टक्के पाण्याचा वापर करतो. यात सर्वाधिक पाणी फुकट जातं ते शॉवरखाली अंघोळ केल्यामुळे किंवा वाहत्या नळाखाली भांडी घासणं, कपडे धुणं या प्रकारांमुळे. त्याऐवजी मोठय़ा टबात आवश्यक तेवढंच पाणी साठवून ही कामं केली तर पाण्याची खूप बचत होईल.

🔺झाडांना पाणी घालताना शक्यतो ऋतुमानानुसार पाण्याची गरज ओळखूनच झाडांना पाणी घालावं. उन्हाळ्यात ठिबक सिंचनाचा वापर करावा.

🔺घरातील नळांची गळती अजिबात होऊ देऊ नये. थेंब थेंब गळणाऱ्या नळातून दिवसाला ३० ते ४० लिटर पाणी वाया जाते याचे भान राखणे महत्त्वाचे आहे. त्वरित उपाययोजना करून ही गळती थांबवावी.

🔺इमारतींच्या गच्चीवर पावसाचे पाणी पडते त्याला वाट करून देऊन ते जमिनीत मुरविले तर पुढचे ६-७ महिने तेच पाणी नलिकाकूप विहिरीतून वापरता येईल. इमारतीची गच्ची ४० मी. ४० मी. असेल तर मुंबईच्या पावसात चार महिन्यांत ३२ लाख लिटर पाणी जमिनीत मुरवता येईल!

🔺दात घासताना किंवा दाढी करताना नळ चालू ठेवू नका. भाज्या किंवा फळे धुताना नळाखाली न धुता जर त्यासाठी परात किंवा भांडय़ाचा वापर केला तर ते पाणी फेकून न देता झाडांसाठी वापरता येईल. इमारतीच्या आवारातील झाडे तेथे वास्तव्य करणाऱ्या सदस्यांनी दत्तक घ्यावीत व त्यासाठी पाण्याचा असा उपयोग करावा. कुकरमधील पाण्याचा वापरदेखील असाच करता येईल. तांदूळ धुतल्यानंतरचे पाणी वनस्पतींना पोषक असते म्हणून ते त्यासाठीच वापरा.

🔺पाण्याच्या बाटल्या अर्धवट पिऊन तशाच टाकून देऊ नका. निसर्गाची ती एक मोठी प्रतारणा आपण करीत आहे व म्हणूच तो अक्षम्य गुन्हा आहे. पाणी संपणार नसेल तर आजूबाजूच्या झाडांना घाला व त्यांचा दुवा मिळवा. कपडे धुण्यासाठी धुलाई यंत्र वापरत असाल तर त्याचा वापर पूर्ण क्षमतेनेच करा. आठवडय़ातून दोन-तीन दिवसच त्याचा वापर तारतम्याने केला तर ऊर्जा व पाणी या दोन्हीची चांगली बचत होऊ शकते.

🔺न्हाणीघरातील व स्वयंपाकघरातील पाणी ऑक्सिडेशन करून बागेसाठी व शौचालयाच्या टाक्यांसाठी वापरता येईल. यासाठी तांत्रिक मार्गदर्शन उपलब्ध आहे.

🔺इमारतींच्या आवारात जर बाग वाढविली असेल तर दिवसा त्यावर एका विशिष्ट जातीचे प्लास्टिक अंथरून पाण्याच्या बाष्पीभवनाचा वेग कमी करता येतो. अर्थात त्यासाठी सदस्यांना थोडे कष्ट करावे लागतील अथवा माळ्याला उचलून पसे द्यावे लागतील. आवारातील झाडांना ठिबक पद्धतीने (पाण्याच्या बाटलीला छोटेसे छिद्र पाडून) पाणी दिले तर पाण्याची बचत होईल. झाडाच्या बुंध्याजवळ जर नारळाच्या शेंडय़ा किंवा मॉस ठेवले तर पाणी कमी वापरावे लागेल.
🔲🔲🔲
एकूणच वाहत्या नळाखाली काम करणं टाळलंत तर बरीच मोठी पाणीबचत होईल. शेवटी पाण्याची बचत म्हणजे आपल्या भविष्यासाठीचीच बचत या दृष्टीनं आजच पाण्याचा योग्य तितकाच सांभाळून वापर करायला सुरुवात करा.
➖➖➖➖➖➖➖
💦🌎💦🌎💦🌎💦

करवडीचा शिवाजीराव पाटील चहावाला

पहाटे साडेपाच वाजले असतील. गाढ झोपेत होतो.   दादांचा फोन आला, जागा झालो. गावात थोडासा पाऊस पडतोय, विहिरीजवळ सिमेंट उघडं पडलं असेल, लवकर निघ, असं दादांनी सांगितलं. पटकन उठलो, आवरलं, बूलेट बाहेर काढली आणि जायला निघालो नाक्यावर पोहोचलो. सदाशिव गडावर जाण्यासाठी ओळखीचे  काही मित्र भेटले, त्यांनी गडावर येण्याचा आग्रह केला मात्र मला जायचे आहे पाऊस पडत आहे असे सांगुन तेथून निघालो.

आज इतक्या सकाळी सकाळी खूप दिवसांतून  बाहेर पडलो होतो. पहाटे गार वारा वाहात होता.  रस्त्यांवर अनेक जण चालत होते, व्यायामासाठी बाहेर पडले होते.  कृष्णापुल ओलांडला,  गजानन सौसायटी मध्ये आलो. चौपदरीकरणाचे काम झाल्यामुळे कराड ओगलेवाडी दरम्यान वाहतूक सुसह्य झाली आहे.  त्यामुळे वेगाने निघालो,  रेल्वे पुलावर काही वृद्ध लोक व्यायाम करत होते.  काही समोरून चालत येत होते. एका वृद्धाने काठीला रेडियम लावलेले होते, सोबत बॅटरी पण होती. समोरून येणाऱ्या वाहनांच्या लाईट पडल्यामुळे रेडियम चमकावे, त्याला माणूस दिसावा म्हणून त्या बाबांनी ती काळजी घेतली होती. आता ओगलेवाडी सोडून करवडी रस्त्याला लागलो.  समोरून अनेक वाहने येत होती. करवडीत पोहचलो. ओळखीचे एक भेटले त्यांच्याशी बोलताना  लक्षात आले आज गुरुवार आहे बाजारासाठी जनावरे घेऊन अनेक टेम्पो कराडला निघाले होते.

पावणे सहाच्या दरम्यान मी रानात पोहचलो होतो. अजुनही अंधार होता.  किरकोळ पाऊस  पडून  गेला होता. काही अडचण नव्हती.   बुलेट थेट शेतात विहिरीजवळ नेली लांबूनच पाहिले सिमेंट पोती झाकलेली होती.  गाडी परत वळवली, कराड फलटण रस्त्यावर येऊन थांबलो.  अजूनही दाट अंधार होता समोरून उसतोड बैलगाड्या निघाल्या होत्या. गाडीवान गाडी हाकत होता. बैलगाडीमध्ये गाडी मालकीण मागच्या बाजूस झोपलेली होती. ओळीने जाणाऱ्या या बैलगाड्या, त्यांची कुटुंबे पाहून ऊसतोड कामगारांचं आयुष्य काय असते,  त्यांना किती कष्ट करावे लागतात याचा सहज विचार आला.

पुढे आलो. करवडी स्टॅंडवर टपरीवजा चहाच्या गाड्यावर लाईट चालू होती, भक्तीसंगीताचा आवाज ऐकू आला.  मगाशी येतानाच येतानाच मी लाईट पाहिली होती.  इतक्या सकाळी हॉटेल ते ही करवडीत उघड असेल याचा मी विचार केला नव्हता.  थांबलो आमच्या गावचे शिवाजीराव आनंदराव पाटील यांनी यांचे हे हाँटेल आहे. बुलेट साईटला उभी केल़ी.  इतक्या सकाळी मला पाहून शिवाजीरावांनी आज सकाळी सकाळी इकडे कुठे, असे म्हणून त्यांनी  चौकशी केली.  लगेच किटली मधून चहा भरायला लागले  मात्र मी चहा पीत नसल्याचं सांगून गरम पाणी देण्याची विनंती केली. मग आमच्या गप्पा सुरू झाल्या इतक्या लवकर हाँटेल उघडता असा आश्चर्याने सवाल केल्यानंतर अहो मी तीन वाजताच उघडतो असे त्यांनी सांगितले. 

करवडी गावातील एक माणूस तोही पाटलाच्या घरातला, एसटी स्टॅण्डवर चहाची टपरी वजा हाँटेल काढतो आणि पहाटे तीन वाजता कामाला सुरुवात करतो याचं मला अप्रूप वाटलं.  आमच्यातील पत्रकार जागा झाला चला आता यांची मुलाखत घेऊ असे म्हणून प्रश्नावली सुरू झाली.  शिवाजीराव पाटील यांच्या बोलण्यातून मिळालेली माहिती आणि त्यांच्या कुटुंबाचे कष्ट पाहून मराठी माणूस कुठेही कमी नाही, फक्त त्याने पैसा कमावण्यासाठी कामाची लाज वाटता कामा नये आणि शिवाजीराव पाटील यांनी ती लाज न बाळगता मोठ्या धाडसाने कष्टाने आणि सातत्यपूर्वक काम केल्यामुळेच आज त्यांना चांगले पैसे मिळताहेत, कुटुंब स्थिरस्थावर झालं आहे, याचा आनंद वाटला.

शिवाजीराव पाटील यांचं कुटुंब मध्यमवर्गीय. १० वर्षांपूर्वी त्यांनी कराड मंडईत भाजी विक्रीचा व्यवसाय केला तेव्हापासूनच त्यांना पहाटे काम करायची सवय लागली. चार वाजता उठून  शामराव पाटील भाजी मार्केट मधून भाजीपाला खरेदी करून शिवाजीराव पाटील  सहा सात वाजता मंडईतील विठ्ठल-रुक्मिणी मंदिरा शेजारी भाजीपाला बसायचे. १२ वाजता त्यांचा मुलगा गणेश त्यांच्या मदतीला यायचा. गणेशने भाजीपाला विकत वडिलांना हातभार लावलाच शिवाय एमकॉमचे शिक्षणही पूर्ण केले. पुण्यामध्ये त्याला चांगल्या पगाराची नोकरी लागली मात्र एक महिना रात्रपाळी आणि एक महिना दिवसपाळी यामुळे नोकरीचा वैताग आला आणि नोकरी सोडून तो गावाकडे आला. दरम्यान शिवाजीरावांनी  करवडीत चहाची टपरी सुरू केली होती.  तो वडिलांना हातभार लावू लागला.  चांगला जम बसला, चहाची टपरी चांगली चालू लागली लागली. रोज मोठी उलाढाल होऊ लागली.  चांगला जम बसला. मिळालेले पैसे वाचवले पाहिजे म्हणून बचत सुरू केली पिग्मी खाते काढले रोज चांगली रक्कम वाचू लागली.

कराड फलटण रस्त्यावर खुप वाहतूक असते. सकाळी सकाळी चहा प्यायला पुसेसावळी पर्यंत एकही हाँटेल सुरू नसते. याचा अंदाज घेऊन शिवाजीराव पाटील यानी तीन वाजताच काम सुरू करतात. पहाटे 3 ते 9 दरम्यान शिवाजीराव टपरीवर काम करतात नऊ वाजता त्यांचा मुलगा मदतीला येतो. दिवसभर त्यांचा मुलगाच काम करतो. पहाटे 3 ते रात्रीं नऊ पर्यंत ही टपरी सुरू असते. मराठी माणूस 15 ते 18 तास काम करतो आणि काम केले तर किती पैसा मिळू शकतो याचा प्रत्यय मला शिवाजीरावांशी बोलताना आला.

नोकरीपेक्षा धंदा किती श्रेष्ठ आहे याचे मूर्तिमंत उदाहरण मला मला पाहायला मिळाले. शिवाजीराजांच्या मुलाने पुण्यात नोकरी केली असती तर आज त्याला चार आकडी  पगार मिळाला असताही मात्र त्याहून अधिक पैसे गावात राहून धंद्याच्या माध्यमातून त्याला मिळत आहेत. गेली अनेक दिवस मराठी माणूस उद्योगात कमी पडतो असे मी ऐकले होते मात्र करवडीच्या शिवाजीराव पाटील यांना पाहून मराठी माणूसही उद्योग चांगला करू शकतो याचा मला अनुभव आला. मराठा समाजाने आरक्षणासाठी मोर्चा काढला होता त्या काळात मराठी माणसाने कोणताही उद्योग करावा असा एक सूर उमटला होता  शिवाजीराव पाटील यानी तीन वर्षांपूर्वी सुरू केलेली चहावजा टपरी आता चांगली चालत आहे. शिवाजीरावांनी मराठी मुलांसाठी आदर्श आहेत . करवडीच्या आजच्या भेटीत मला एका चांगल्या व्यक्तीला भेटता आले याचा मला आनंद झाला.

ही मुलाखत घेऊन मी परत शेतात आलो. आता उजाडलं होतं. सकाळ सकाळी निसर्गाच्या सानिध्यात बसण्याचा मला अनुभव आला. विहीरी जवळ बसून हे सर्व लिहून काढलं. किती शांतता होती यावेळी.  पक्ष्यांचा चिवचिवाट आणि मोराचा आवाज अशा प्रसन्न वातावरणात मी हे सर्व लिहून काढलं. काय सांगू तुम्हाला किती आनंद मिळाला मला आज!

F1 to F10 keys on keyboard

_*🙇🏻‍♂🔺मनातील प्रश्न..*_

🖥⌨🖥⌨🖥⌨🖥
➖➖➖➖➖➖➖
*☑ कॉम्प्युटर/लॅपटॉप च्या की बोर्ड वरील F1 ते F12 या Functional Keys चा वापर नेमका कसा करावा…???*
➖➖➖➖➖➖➖
_आजकाल प्रत्येक काम आपण कॉम्प्युटर/लॅपटॉप द्वारेच करतो. मग ते कुठल्या मोठ्या कंपनीतील काम असो किंवा एखाद्या छोट्याश्या दुकानातील अकाऊंटिंगच काम. कम्प्युटरने आपले जीवन सोपे केले आहे. या यंत्राचा सर्वात महत्वाचा भाग म्हणजे की-बोर्ड, ज्याद्वारे आपण हवं ते लिहू शकतो, करू शकतो. पण की-बोर्ड हा काय फक्त लिहिण्याच्याच कामाचा आहे का…? तर नाही. या की-बोर्ड द्वारे आपण अनेक कामे हाताळू शकतो. तुम्ही बघितलं असेल या की बोर्डवर *F1 ते F12 अशी १२ बटणे असतात ज्यांना Functional Keys* म्हणतात, पण आपल्याला या सर्व बटणांचा उपयोग काय आणि त्याचा वापर कसा करायचा हे माहितीये का…??? तर जाणून घ्या त्याचा वापर कसा करायचा..._
🔲🔲🔲

*▪1. F1 –* ही नेहमी हेल्प-की म्हणून वापरली जाते, जेव्हा आपण कम्प्युटर सुरू करतो, तेव्हा आपण ही की दाबल्यानंतर, आपण थेट कम्प्युटरच्या सेटअपमध्ये पोहचतो. जिथे आपण सेटिंग्ज तपासू शकतो तसेच हवे असल्यास त्या सेटिंग्समध्ये बदल करू शकतो.
*▪2. F2 –* ही की विंडोज ऑपरेटिंग सिस्टममध्ये फाईलचे नाव बदलण्यासाठी वापरली जाते. तसेच मायक्रोसॉफ्ट वर्डमध्ये आपण या F-12 की ने त्या फाईलचा प्रिंट प्रीव्ह्यू पाहू शकता.
*▪3. F3 –* विंडोजमध्ये या की चा वापर करून आपण सर्च बॉक्स उघडू शकतो, ज्यामुळे कुठलीही फाईल अथवा फोल्डर आपण सर्च करू शकतो. या व्यतिरिक्त MS-DOS मध्ये ही की प्रेस केल्याने आधी दिलेली कमांड परत टाईप होते.
*▪4. F4 –* माइक्रोसॉफ्ट वर्डमध्ये काम करत असताना ही की प्रेस केल्याने आधी केलेलं काम रिपीट होत, जसे एखादा शब्द पहिले टाईप केलेला असेल तो परत टाईप होईल, तसेच जर एखादा शब्द बोल्ड किंवा अंडरलाईन केला असेल तर तो परत होऊन जाईल.
*▪5. F5 –* या की चा उपयोग आपल्या सर्वांनाच माहित आहे, F-5 या की चा वापर मुख्यकरून कम्प्युटर रिफ्रेश करण्याकरिता केल्या जातो. याव्यतिरिक्त या की ला पावरपॉईंटमध्ये प्रेस केल्यास स्लाईड शो सुरु होतो.
*▪6. F6 –* ही की प्रेस केल्याने विंडोजमध्ये ओपन असलेल्या फोल्डर्सचे कन्टेन्ट दिसतात तसेच, मायक्रोसॉफ्ट वर्डमध्ये ओपन असलेले वेगवेगळे डॉक्युमेंट्स एक-एक करून बघण्यासाठी Control+Shift+F6 यांचा उपयोग केला जातो. याव्यतिरिक्त काही लॅपटॉप्समध्ये स्पीकरचा आवाज कमी करण्यासाठी देखील या की चा उपयोग होतो.
*▪7. F7 –* मायक्रोसॉफ्ट वर्डमध्ये या की ला प्रेस केल्यावर आपण जे काही लिहितो त्याचं स्पेलिंग तसेच व्याकरण तपासलं जातं. Shift + F7 प्रेस केल्याने हायलायटेड केलेल्या शब्दाची शब्दकोश तपासणी केली जाते. याव्यतिरिक्त काही लॅपटॉप्समध्ये स्पीकरचा आवाज वाढविण्यासाठीही या की चा उपयोग होतो.
*▪8. F8 –* मायक्रोसॉफ्ट वर्डमध्ये टेक्स्ट ला सिलेक्ट करण्याकरिता या की चा उपयोग केला जातो.
*▪9. F9 –* मायक्रोसॉफ्ट आउटलूकमध्ये ई-मेल सेंड किंवा रिसिव्ह करण्याकरिता या की चा वापर होतो. तर काही लॅपटॉप्समध्ये या की चा उपयोग करून स्क्रीनची ब्राईटनेस कमी करता येते. तसेच मायक्रोसॉफ्ट वर्डमधील डॉक्युमेंट्स रिफ्रेश करण्यासाठीही या की चा वापर होतो.
*▪10. F10 –* कुठल्याही सॉफ्टवेअरमध्ये काम करत असताना या की ला प्रेस केल्याने मेन्यू ओपन होतो, तसेच Shift+F10 प्रेस केल्याने हे माउसच्या राईट क्लिकचं काम करत. तर काही लॅपटॉप्समध्ये या की चा उपयोग करून स्क्रीनची ब्राईटनेस वाढवता येते.
*▪11. F11 –* इंटरनेट ब्राउजर्समध्ये फुल स्क्रीन व्ह्यू करण्यासाठी या की चा उपयोग केला जातो.
*▪12. F12 –* मायक्रोसॉफ्ट वर्ड मध्ये ही की प्रेस केल्याने Savs As चे ऑप्शन ओपन होते, तसेच Shift+F12 प्रेस केल्याने मायक्रोसॉफ्ट फाईल सेव्ह होऊन जाते.
🔲🔲🔲
तर अश्याप्रकारे या की-बोर्डवरील Functional Keys चा उपयोग होत असतो, या Functional Keys कम्प्युटर किंवा लॅपटॉप हाताळत असताना आपले काम सुकर करण्यासाठी आहेत, त्यामुळे त्यांचा नेमका उपयोग आपल्याला माहिती असायला हवा जेणेकरून आपण आपले काम सोप्या पद्धतीने आणि कमी वेळात करू शकू…
➖➖➖➖➖➖➖
🖥⌨🖥⌨🖥⌨🖥

पैसा स्विस बँकेत का ?

🏦⚫💰🏦⚫💰🏦
➖➖➖➖➖➖➖
*🔴◾“परदेशातील काळा पैसा” – स्विस बँकांमध्येच का ठेवला जातो..?🤔*
➖➖➖➖➖➖➖
स्विस बँकेचं प्रकरण आपण सर्वजण जाणतोच. तुम्ही हे देखील ऐकून असाल की काळा पैसा जमवणाऱ्या सगळ्यांचीच खाती ही स्विस बँकांमध्येच आहेत. मोदीजी देखील भाषणात म्हणतात की स्वीस बॅंकांमधला काळा पैसा परत आणू. केवळ भारतातीलचं नाही तर जगातल्या असंख्य धनदांडग्यांची संपत्ती याच बॅंकांमध्ये बंदिस्त आहे. मग अश्या वेळी मनात काही प्रश्न सहज उभे राहतात. जसे की, स्विस बँक एवढी खास का आहे की जगातील सगळा काळा पैसा याचं बँकेत येतो. बरं या बँकेला देखील माहित असेलच की हा काळा पैसा म्हणजे अनधिकृत आहे तर मग ही बँक पैसा स्वीकारतेच का? अश्या काळा पैसा ठेवणाऱ्या अजून काही बँक्स आहेत का?
🔲🔲🔲

🔺आपल्यापैकी बहुतेकांना हे वाटत असेल की स्विस बँक ही एकच कोणतीतरी बँक आहे, पण तसं नाहीये. स्विस बँक ही कोणती एक बँक नाही. स्वित्झर्लंड देशामध्ये जेवढ्या बँका आहेत त्यांना स्विस बँक म्हटलं जातं. त्यापैकी युनियन बँक ऑफ स्वित्झर्लंड ही युरोपमधील सगळ्यात मोठी आणि जगातील दुसऱ्या क्रमांकाची मोठी बँक आहे.
🔲🔲🔲
🔺स्वित्झर्लंड हा देश ‘टॅक्स हेवन’ म्हणून ओळखला जातो, कारण येथे कितीही पैसा ठेवा, साठवा तुम्हाला त्यावर अगदी मामुली कर भरावा लागतो किंवा कर भरावाच लागत नाही असं म्हटलं तरी चालेल. तसेच तुमचे बँकिंग सिक्रेट्सदेखील अतिशय काटेकोरपणे पाळले जातात. फक्त स्वित्झर्लंडच नाही तर जगात अशी अनेक ठिकाण आहेत जी ‘टॅक्स हेवन’ म्हणून ओळखली जातात. त्यापैकी लुक्झमबर्ग, हॉंगकॉंग, कॅमन आयलँड, सिंगापूर, यु.एस.ए., लेबनन, जर्मनी, जर्सी, जपान या ठिकाणांचा टॉप टेनमध्ये समावेश होतो. या प्रत्येक ठिकाणी असणाऱ्या बँकांचे निरनिराळे कायदे आहेत,
🔲🔲🔲
*स्विस बँकेमध्ये काळा पैसा साठवण्याचे मुख्य कारण आहे या देशातील बँक पॉलीसी! नागरिकांना असणारा ‘गोपनीयता बाळगण्याचा अधिकार’ (right to privacy) हा मुलभूत अधिकारांपैकी एक आहे आणि प्रत्येक देशाने हा अधिकार आपल्या नागरिकाला दिला पाहिजे. म्हणूनच आम्ही आमच्या देशातील नागरिकांची आणि ग्राहकांची माहिती त्यांच्या संमती शिवाय उघड करत नाही, कारण तसे करणे त्यांच्या अधिकारांवर गदा आणण्यासारखे आहे. म्हणूनच जो कोणी या कायद्याचे उल्लंघन करेल त्याला कडक शासन करण्याची तरतूद आहे.*
🔲🔲🔲

*🔺परंतु काळा पैसा साठवण्यासाठी हे सगळेच कायदे अनुकूल आहेत. त्यांचे कायदे काळा पैसा जमवणाऱ्यांसाठी किती पूरक आहेत पहा.....*

▪१९३४ मध्ये या देशाने एक बँकिंग कायदा संमत केला, ज्यानुसार जर स्विस बँकेने त्यांच्याकडे असणाऱ्या खातेदारांची नावे आणि माहिती उघड केली तर तो कायदेशीर अपराध मानला जाईल. त्याबदल्यात त्या बँकेवर कठोर कारवाई करण्यात येईल. (धन्य आहे अश्या कायद्याची!)
याच कायद्यामुळे स्विस बँकेतील खातेदारांची दिवाळी सुरु आहे. फक्त याच नाही तर अश्या इतर अनेक बँकिंग कायद्यांमुळे स्विस बँक गोपनीयतेच्या चक्रव्युहात अडकली आहे. म्हणजे जरी स्विस बँकेला कोणाची नावे उघड करायची असतील तरी ती करू शकणार नाही, कारण त्याची भारी किंमत त्यांना चुकवावी लागेल. (परदेशातले कायदे तुम्हाला माहित आहेतच! स्वित्झर्लंड देश अश्या कडक कायद्यांसाठी आणि शिक्षांसाठी फारच प्रसिध्द आहे.)

▪स्वित्झर्लंड सरकारच्या मते (परंतु गुन्हेगारी याला अपवाद आहे.) एखाद्या गुन्हेगारा विरोधात न्यायालयामध्ये खटला सुरु असेल तर स्वित्झर्लंडचे न्यायालय त्या व्यक्तीची सर्व माहिती आणि गुपिते उघड करण्याचे आदेश देऊ शकते.
स्विस बँकेमध्ये काळा पैसा साठवण्याचे अजून एक कारण म्हणजे स्विस बँक तुम्हाला हे विचारात नाही की तुम्ही हा पैसा कुठून आणला? त्यांना या गोष्टीने काहीही फरक पडत नाही की तुम्ही कोणत्या मार्गाने पैसा कमावता. तुम्हाला फक्त तुमचा पैसा त्यांच्याकडे द्यायचा असतो आणि त्या पैश्याचे संरक्षण करण्यासाठी एक ठराविक रक्कम बँकेला द्यावी लागते.

▪अजून एक महत्त्वाची गोष्ट म्हणजे स्विस बँक आपल्या खातेदारांना एक युनिक नंबर देते, म्हणजे यात खातेदाराला स्वत:चे नाव देण्याची गरज भासत नाही. खातेदाराला त्या नंबरच्या सहाय्याने संपूर्ण व्यवहार हाताळता येऊ शकतात. तसेच कोणीही व्यक्ती या नंबरचा वापर करून खाते हाताळू शकतो. त्याला ते खाते त्याचेच आहे हे सिद्ध करण्याची गरज भासत नाही. तो नंबरच सर्व गोष्टींसाठी पुरेसा आहे. त्यामुळेच खाते नेमक्या कोणा व्यक्तीचे आहे हे शोधून काढणे जवळपास अशक्य आहे. एवढेच नाही तर ठराविक नंबरचे खाते कोणत्या व्यक्तीचे आहे हे तर खुद्द स्विस बँकेला देखील ठावूक नसते.
🔲🔲🔲
जसे आपल्या इथे बँकेमध्ये खातेसुरु करण्यासाठी काही अटी आणि निकष ठेवलेले असतात तसे स्विस बँकांचे देखील काही अटी आणि निकष आहेत. खातेदाराचे वय किमान १८ असावे आणि त्याने खात्यामध्ये किमान ३.२१ ते ६.२४ करोड रुपयांचा बॅलेन्स राखण्याची गरज आहे. एवढा बॅलेन्स जर खात्यात ठेवला तरच व्याज मिळते. ते ही अतिशय कमी टक्क्यांनी !
🔲🔲🔲
स्विस बँकेमध्ये खाते हे स्वत: तेथे प्रत्यक्ष जाऊन सुरू करावे लागते किंवा स्विस बँकेच्या प्रतिनिधी मार्फत सुरू लागते. इंटरनेटच्या माध्यमातून स्विस बँकेमध्ये खाते उघडता येत नाही. कारण ते ट्रॅक केले जाऊ शकते. अगोदर सांगितलेल्या बँकिंग कायद्याच्या आधारावर ही अट घालण्यात आली आहे.
🔲🔲🔲
तसेच स्विस बँकेचे आणखी एक वैशिष्ट्य आहे ते म्हणजे खातेदाराला पैसे भरताना किंवा काढताना स्वत: बँकेत जायची गरज पडत नाही. त्याच्या वतीने दुसरा एखादा व्यक्ती पैसे जाऊन भरू शकतो किंवा काढून आणू शकतो. यामुळे ज्या व्यक्तीचे खाते आहे त्या व्यक्तीला कोणी ट्रॅक करू शकत नाही.

तर आता तुमच्या लक्षात आलं असेल की स्विस बँकांना काळ्या पैश्याचं माहेरघर का म्हणतात ते..!
➖➖➖➖➖➖➖
🏦⚫💰🏦⚫💰🏦

TRP

_*🙇🏻‍♂🔺मनातील प्रश्न..*_

👩‍👩‍👧‍👦👩‍👩‍👧👩‍👩‍👧‍👦📺👩‍👩‍👧‍👦👩‍👩‍👧👩‍👩‍👧‍👦
➖➖➖➖➖➖➖
*☑ TRP रेटिंग म्हणजे नेमकं काय रे भाऊ...??? 🤔*
➖➖➖➖➖➖➖
बऱ्याचदा आपल्या कानावर पडतं, अमुक शो फार पाहिला जातो, त्याचा टीआरपी जास्त आहे. तमुक शो जास्त फेमस नाही, कारण त्याचा टीआरपी कमी आहे. पण मंडळी कधी विचार केलाय का काय आहे हा टीआरपी? आणि कश्या प्रकारे आपण पाहतो त्या कार्यक्रमांना रेटिंग दिलं जातं, चला जाणून घेऊया.
🔲🔲🔲
२-४ वर्षांपूर्वी भारतामध्ये टीआरपी (Television Rating Point) साठी डेटा मिळवण्याचं काम हे TAM Media Research या कंपनीकडे होतं, पण नंतर Broadcast Audience Research Council (BARC) यांनी हे काम स्वत:च्या अखत्यारीत करून घेतलं आणि आता BARC कडून कार्यक्रमांना दिल्या जाणाऱ्या रेटिंग या अधिकृत मानल्या जातात.
🔲🔲🔲
*टीआरपी म्हणजे ठराविक लोकसंख्येच्या लोकांनी ठराविक वेळेला पाहिलेल्या कार्यक्रमाची टक्केवारी होय!*
🔲🔲🔲
या रेटिंग साठी डेटा मिळवण्याचं काम केलं जातं रेटिंग मशीनच्या माध्यमातून! या मशीन्सना People’s Meter म्हटले जाते. या मशीन्स कंपनीशी जोडल्या गेलेल्या ठराविक प्रेक्षकांच्या घरी बसवल्या जातात.
या मशीन नजर ठेवतात की प्रेक्षक कोणत्या वेळेला, कोणता कार्यक्रम, किती वेळ पाहतो. या मशीन्स संपूर्ण देशभरातील प्रेक्षकांच्या घरी त्यांच्या समंतीनेच बसवल्या जातात. ३० दिवसांनंतर त्या प्रेक्षकाने कोणत्या चॅनेल आणि कार्यक्रम किती वेळ पाहिला याची अंदाजे आकडेवारी उपलब्ध होते.
🔲🔲🔲

*▪टीआरपी मिळवण्यासाठी दोन प्रकारच्या पद्धती वापरल्या जातात. पहिली पद्धत म्हणजे – frequency monitoring*

या पद्धतीमध्ये वर सांगितल्याप्रमाणे प्रेक्षकांच्या घरी मशीन्स बसवल्या जातात. या मशीन्स प्रत्येक चॅनेलच्या फ्रिक्वेन्सी समजून घेतात आणि नंतर त्या ठराविक चॅनेलच्या नावामध्ये रेकॉर्ड केलेला डेटा डिकोड करतात. पण या पद्धतीमध्ये एक त्रुटी आहे. त्रुटी अशी की बऱ्याचदा केबल ऑपरेटर्स टीव्हीला सिग्नल पाठवण्यापूर्वी विविध चॅनेल्सच्या फ्रिक्वेन्सी वारंवार बदलतात. त्यामुळे ठराविक फ्रिक्वेन्सी वरून ठराविक चॅनेलचाच डेटा मशीन रेकॉर्ड करत असले याची खात्री देता येत नाही.
🔲🔲🔲

*▪दुसरी पद्धती म्हणजे – picture matching technique*

या पद्धतीमध्ये देखील प्रेक्षकांच्या घरी मशीन्स बसवल्या जातात, पण त्या काहीश्या वेगळ्या पद्धतीने काम करतात. या मशीन्स ठराविक टीव्हीवर पाहिल्या जाणाऱ्या चित्रीकरणाचा संक्षिप्त भाग वारंवार रेकॉर्ड करत असतात. तसेच ठराविक चॅनेलचा डेटा देखील संक्षिप्त चित्र रुपात साठवला जातो. हा गोळा केलेला डेटा नंतर मेन डेटा बँक मधील डेटाशी जुळवून पाहिला जातो आणि त्यानुसार चॅनेलचे नाव समोर येते आणि कोणता चॅनेल किती वेळ पाहिला त्याची आकडेवारी केली जाते.
🔲🔲🔲
अश्याप्रकारे महिन्याभरच डेटा गोळा केल्यानंतर कोणता चॅनेल आणि कोणता कार्यक्रम किती वेळा पाहिला जातो आणि त्याची पॉप्यूलॅरिटी काय हे मिळालेल्या रिझल्टनुसार सादर केले जाते. त्यानुसार आपल्या चॅनेल आणि एखाद्या ठराविक कार्यक्रमामध्ये सुधारणा कशी आणावी त्याची वेळ बदलली जावी का, या सर्व गोष्टी ठरवल्या जातात.
➖➖➖➖➖➖➖
👩‍👩‍👧‍👦👩‍👩‍👧👩‍👩‍👧‍👦📺👩‍👩‍👧‍👦👩‍👩‍👧👩‍👩‍👧‍👦

TV वर पडणारे आकडे