नाती आणि नोटा

नोटा असत्या तर बदलल्या असत्या ,

इथं नातीच बदलली आहेत !

मग आम्ही काय बदलायचं ?

स्वतःला सावरायचं की आपणही बदलायचं ?

नोटा बदलणं इथं सोपं असतं,

पण नातीच बदलायला लागली तर ?

नोटांना 'मर्यादा' असते,

नात्यांमध्ये 'अमर्याद' प्रेम असते,

नात्यांना 'किंमत' असते,

तर नोटांना 'भाव' असतो..

नोटा बदलणं इथं सोपं असतं,

पण नातीच बदलायला लागली तर ?

नात्यांच्या याचिकेत अनेकदा नोटा जिंकतात.. 

गुळगुळीत नाण्याप्रमाणे नातीही बदलतात ,

नात्यांतील गोडव्यापुढं नोटा भारी पडतात..  

नोटा बदलणं इथं सोपं असतं,

पण नातीच बदलायला लागली तर ?

सतिताभ

३०.०५.२०२३. सुप्रभात 🌹