तु, मी आणि पाऊस
१.
पाऊस तुझ्यासारखा असतो,
खोडकर, अवखळ आणि नखरेल!
२.
पाऊस सरकन येतो अन् जातो,
अगदी तुझ्या सारखाच !
तु येतेस क्षणभर
बेभान करतेस मनभर !
३
तु करतेस मला बेभान
तु नसताना पाऊस करतो मला बैचेन !
४.
तु जवळ असलीस
की पाऊस आनंददायी असतो!
मनातील अनेक वादळे
तो शांत करत असतो !
५.
चिंब पावसात भिजून
सखी मला बिलगली!
श्वासाचा वेग मंदावला,
पण हृदयाची धडधड वाढली !
@सतिताभ
२०.०५.२०२२
कोणत्याही टिप्पण्या नाहीत:
टिप्पणी पोस्ट करा